Еуропа халқы көкеніс жеуден қалды. Аяқ астынан ішек инфекциясы таралып, 22 адам көз жұмып, жүздеген адам аурухананың төсегіне таңылды. Инфекцияның қайдан шыққанын еуропа іздеп жатыр. Ал, біздің ел картопты Қырғыздан, жеміс-жидекті Өзбектен, көкеністі Қытайдан алдырып отыр. Не ексең сол шығатын құнарлы жерлерді байшыкештер атасынан мұраға алғандай жамбасына басып алды. Ал, есіктің алдындағы алақандай жер қаптаған арам шөп. Қытайдың сырты жылтыр көкенісін көктен түскендей көреміз, түбі тыныш болсын.