Иә, шалыс естіген жоқсыздар.  Павлодар қаласында тұңғыш рет орыс арағының туған күні атап өтілді.
«masa.kz» интернет газетінің хабарлауынша, «атамыздан қалған астың» туған күнінен қалып қоймайық деп, шақырылғаны да, шақырылмағаны да «Halikarans» мейрамханасына жиналыпты. Енді қайтып жиналмасқа. Халықтың ең көп шоғырланған  жері Орталық әмбебап дүкен мен көше-көшені арлап, микрофонмен хабарланыпты. Мұндай жарнамадан кейін «Арекеңнің» туған күніне бармай қалған ұят болар. Аталмыш меркеде 40 пайыз таза орыстың арақтары қойылыпты. Бірақ бұл мерекені орыстар емес, мейрамхана иесі, мұсылман түрік ағайындар өткізіпті. Ал осыдан кейін олардың пиғылын түсініп көр. Айтпақшы, стриптиз-шоуы бар атышулы мейрамхана мұсылман қауымның ұлық мерекесі Рамазан айында ашылған екен.