Павлодарда білім беру басқармасының бастығы Бақыт Бексейітова қол астындағы қызметкерін сотқа берді. Оның айтуынша, мемлекеттік қызметкер бастығы туралы жалған ақпарат таратқан. Онымен қоймай, абыройына нұқсан келтіріпті.

Әнші Бейбіт Қорғанның басы тағы да дауға қалды. Атырауға келген кезекті сапарында оның «Ақ Жайық» газетінің тілшісі Айнұр Сапарованы соққыға жыққаны жөніндегі әңгіме гу ете қалды.

Жақында Денсаулық сақтау вице-министрі Ерік Байжүнісов Мәжіліс депутаттарының алдында жедел жәрдемнің ақылы болатынын жеткізді. Дәлірек айтсақ, егер сіз «Жедел жәрдемді» жұмыс уақытында шақырсаңыз, ақысын төлейсіз. Байжүнісовтың айтуынша, қоғамдық көлік жүріп тұрған кезде ауру кісі емханаға өз аяғымен келуі керек. 

  Жыл сайын бір жаңалық! Президент болуға үш рет үміттенген, «Табиғат» экологиялық одағының төрағасы Мелс Елеусізов тағы бір тосын ұсыныс жасады. Ол Алматы мен Ыстықкөлге дейін аспалы жол жүргізу керек деп отыр. Осыған дейін еліміздің бас экологы «Алатаудағы тастың бәрін әктеп шығайық. Әйтпесе Алматыға қауіп төніп тұр» деп дабыл қаққан болатын. Бірақ бұл ұсынысы іске аспады.

Әнұран орнына басқа әуен қойылғаны үшін Кувейт Шейхі ресми түрде кешірім сұрады.

Қуғын-сүргін жылдары атылып кеткен ақтаңдақтарымызға қатысты тың деректер табылды. Ресей мұрағаттарындағы құжаттарға сенсек, қазақтың біртуар ұлдарының бірі Тұрар Рысқұлов НКВД-ның бірінші комиссары Генрих Ягоданың саяжайына жерленіпті.

Депутаттық сауал тек теледидардан көріну үшін жасалған. Ұлттық банк төрағасы Григорий Марченконың Парламенттегі кейбір халық қалаулылары туралы пікірі осындай.