Қарағанды облысының тас жолында жол-көлік апатына ұшыраған «Ssang Yong» маркалы шағын автобус қарсы бағытқа шығып,  «КамАЗ» көлігінің астына кіріп кеткен. Бұл туралы журналистерге берген сұхбатында Ішкі істер министрі Қалмұханбет Қасымов мәлім етті.

Қостанай облысында екі бірдей мешіт сатылады! Бұл діни нысандардың бірі бұрынғы Торғай облыстық мешіті, екіншісі Амантоғай ауданының орталық мешіті. Алла үйлерін саудаға салып жүрген жеке кәсіпкер құрылысқа қыруар ақша жұмсаған екен. Бірақ Арқалық қаласының әкімдігі тапсырыс беруші ретінде көк тиын да бермепті.

Мәжілістің сәрсенбідегі алқалы жиынында депутат Мұхтар Тінікеев Үкімет басшысына үн қатып, «Қазақтелекомның» ағымдағы жылдың 1 мамырынан бастап абоненттік төлемді негізсіз өсіріп отырғанын қатты сынға алды.

Жұма күні Қазақстанның мемлекеттік арналары қазақтан шыққан тұңғыш ғарышкер, саясаткер Тоқтар Әубәкіровтің ЖСДП қатарынан шыққандығын хабарлады. Ол мәлімдемесінде "тұңғыш президенттің командасында болғым келеді" деді.

 Шу бекетіндегі жұрт бүгін теміржолға жатып алып, аудандық әкімнің бұйрығына қарсылықтарын танытты. Яки басшы отарба келіп тоқтаған кезде перронда саудамен айналысуға тыйым салған.

Құлап қалған жаңа үйдің тұрғындарының шығынын Қарағанды облысының әкімдігі бюджет есебінен өтеуге шешім қабылдады. 

Мұнай және газ министрі Сауат Мыңбаев бүгін Үкімет отырысынан кейін журналистерге берген сұхбатында Аи-92 бензині бағасының 6 теңгеге, атап айтқанда, 106-дан 112 теңгеге қымбаттауы жөнінде түсініктеме берді.